Италијанските медиуми пишуваат за случајот со пациентот од болницата „Сан Мартино“ во Џенова, кој бил позитивен на коронавирусот сите осум месеци од пандемијата и кој неодамна починал.
Според примариусот на болницата, д-р Матео Басети, засега ова е единствениот случај во светот.
Пациентот имал други болести, а неговиот имунолошки систем бил ослабен. Толку долг период на зараза со коронавирусот, дури 250 дена, сè уште не е забележан во светот.
– Овој случај ни покажува колку сè уште не знаеме за ковид-19 – изјавил д-р Басети за агенцијата „Анса“.
„Анса“ известува дека во последните 24 часа во Италија, 659 лица подлегнале на инфекцијата, додека регистрирани се 11.200 нови случаи на коронавирус.
