Познатата пејачка и актерка, Анџела Ленсбери почина на 97-годишна возраст и зад себе остави богата кариера од 70 години. Тажната вест ја потврди семејството.
„Децата на Анџела Ленсбери со тага објавуваат дека нивната мајка починала мирно во сон дома во Лос Анџелес во 1:30 часот наутро во вторник, 11 октомври 2022 година, само пет дена пред нејзиниот 97-ми роденден“, напишало нејзиното семејство во соопштението.
View this post on Instagram
Најпозната ќе остане по улогата на мистериозната писателка и борец-аматер против криминалот, Џесика Флечер во хит серијата „Убиство, напиша таа“. Серијата се прикажуваше 12 сезони, од 1984 до 1996 година, а Ленсбери ја воодушеви публиката како писателка чии остроумни забележувања секогаш ги надмудруваа криминалците, па дури и локалната полиција пред да биде разоткриен вистинскиот убиец.
Ленсбери освои пет Тони награди, а последната во 2009 година за најдобра актерка во филмот „Blithe Spirit“ на Ноел Кауард. Нејзиното најпознато дело на Бродвеј беше улогата на Нели Ловет во претставата „Sweeney Todd: The Demon Barber of Fleet Street“. За таа улога во 1979 година, Ленсбери ја освои наградата Тони за најдобра актерка во мјузикл.
Своите вештини за пеење ги пренесе од Бродвеј на големото платно, преку анимираниот мјузикл „Убавицата и ѕверот“ од 1991 година. Го даде гласот на г-ѓа Пот, што беше оценето како еден од најомилените моменти во популарниот филм.
View this post on Instagram
Нејзините други три награди Тони беа за најдобра актерка во мјузикл за „Mame“ во 1966 година, „Dear World“ во 1969 година и „Gypsy“ во 1975 година.
Телевизиската академија ја номинираше Ленсбери со 12 Еми награди за нејзиниот портрет на Џесика Флечер, но таа никогаш не освои награда.„Убиство“ привлече повеќе светско внимание од која било друга улога што сум ја играла во филмови или на театар. Прекрасно е да се биде познат во Шпанија, Португалија, Франција и Германија и насекаде“, рече таа во 2013 година примајќи ја почесната награда на Академијата.
Ленсбери беше примена во телевизиската Куќа на славните во 1996 година, а британската кралица Елизабета Втора ја одликуваше со Орден на Британското царство во 2013 година.
