Познатиот музичар Александар Станимировиќ, познат како Аца Амадеус, повторно е среќно заљубен. Тој за првпат објави заедичка фотографија со својата нова избраничка, атрактивната пејачка Барбара Бојовиќ, споделувајќи интимен момент на социјалните мрежи.
На фотографијата двојката позира прегрнато и со насмевка на лицата, со што музичарот и официјално ја потврди новата љубов. Неговата нова партнерка е повеќе од две децении помлада од него, а неодамна тој говореше и јавно, откривајќи дека веќе започнале да живеат заедно:
„Конечно ја најдов љубовта на мојот живот! Се запознавме преку заеднички пријатели и брзо се роди искра. Сега можам слободно да кажам дека врската е сериозна и дека веќе живееме заедно кај мене“.
View this post on Instagram
Барбара е исто така пејачка, а Аца истакнува дека нејзиниот талент е извонреден. Како поддршка во нејзината кариера, музичарот и неговите колеги од групата веќе подготвуваат нови музички проекти за неа.
„Таа е една од најдобрите пејачки што сум ги слушнал. Мојот брат ѝ напиша песна, а тимот на Амадеус бенд ќе ја работи продукцијата. Сосема е природно да ѝ дадам целосна поддршка на личност со таков талент“, истакна музичарот.
