Сара Мејс откри интересни детали за својот карактер кои досега не ги кажала јавно. Пејачката и харфистка рече дека сите обврски во денот ги става во планер и така полесно функционира.
„Сите пријатели знаат дека планирам барам три-четири недели однапред. Инаку, нема како да ги остварам работите“, рече пејачката во емисијата „Никој да не знае“ на ТВ „Телма“, и додаде дека ако треба да се види со некој со месеци однапред планира.
„Тоа е месец до дваоданпред.. Месец дена треба да ми се најавиш. Јас имам веќе договорено месец и пол однапред, за луѓе да дојдат кај нас“, рече Сара.
Потоа додаде дека кога ѝ дошле гости им направила спанаќ за ручек.
„Истиот ден фарбав дома тераса, чисто да знаеш и тоа правам. Си купив боја за бетон… и ми беше мерак, еден дел поминав со кафено, фугите ќе ги мешам, купив бела и малку ќе капнам од кафеавото и ќе ги правам беж. Тоа ми е ладење мозок и јас треба да одморам. Тоа го доживувам како кафе пауза“, рече Сара Мејс.
