Пробајте го овој фантастичен есенски рецепт.
Исечкајте го зеленчукот, додадете ги копанчињата и ставете ги во рерна да се печат. Поедноставно не може да биде. Од зеленчук одберете сезонски како тиква, компир и цвекло, одлично ќе се сложат со лимон и пилешко. Јадењето најпрво може да го печете во фолија, а потоа да го откриете за да стане крцкаво. Додека пилешкото и зеленчукот се печат, измешајте во јогуртот ситно исечкан копар.
Намирници
1 кромид,
500 грама тиква,
500 грама компир,
3 цвекла,
2 лимона,
6 копани,
100 мл јогурт (густ),
2 лажици копар,
магдонос,
маслиново масло, сол и црн пипер.
Подготовка
Загрејте ја рерната на 200 степени, зеленчукот исечкајте го на парченца (не многу ситни), а лимонот на кругови. Ставете ги во поголем сад, зачинете со маслиново масло, сол, црн пипер и магдонос. Добро измешајте и префрлете ги на хартија за печење со кој сте ја обложиле тепсијата. Додадете ги пилешките копани, па посолете. Копаните наредете ги на врвот на зеленчукот. Печете околу 45 минути. Додека пилешкото се пече со зеленчукот, направете сос од јогурт и копар во кој ќе додадете лажица маслиново масло, сок од половина лимон, сол и црн пипер.
