Семејството и актерската екипа на „Пријатели“ се собраа на гробиштата Форест Лон во Лос Анџелес на приватна погребна церемонија за да се простат од актерот Метју Пери, саканиот Чендлер кој ненадејно почина на 54-годишна возраст.
Официјалната причина за смртта на Пери сè уште не е потврдена, а неговото семејство и пријателите се собраа да го испратат Метју Пери во вечниот дом.
Церемонијата се одржа во „Forest Lawn Church of the Hills“, во Лос Анџелес, во јужна Калифорнија, лоцирана спроти „Warner Bros Studios“, каде се снимаа 10 сезони од најпопуларната серија на планетата.
Таткото на актерот Џон Бенет Пери, мајката Сузан Морисон и очувот Кит Морисон и пријателите и колегите на Метју од серијата Џенифер Анистон, Лиза Кудроу, Кортни Кокс и Дејвид Швимер дојдоа да се збогуваат, сите облечени во црно.
Friends co-stars attend Matthew Perry’s funeral. pic.twitter.com/Upsrn32k2N
— Iyan Velji (@IyanVelji) November 4, 2023
Семејството напиша соопштение:
– Нашите срца се скршени од трагичната загуба на нашиот сакан син и брат. Метју донесе толку многу радост на светот, и како актер и како пријател. Сите вие му значевте толку многу и го цениме огромниот излив на љубов.
Matthew Perry’s family and friends have come together to farewell the actor.
The star’s funeral was a small, private affair in Los Angeles with mourners told of a new foundation set up in his honour. @jekearsley #9News pic.twitter.com/9wFE2CtvUz
— 9News Australia (@9NewsAUS) November 4, 2023
Службата завршила со изведба на песната „Не се откажувај“ на Питер Габриел, вклучувајќи ја репликата: „Нема борба или така изгледа, јас сум човек чии соништа го напуштија, го сменив моето лице. Го сменив моето име, но никој не те сака кога ќе изгубиш“, пренесува The Mirror.
Текстот може да се гледа како потресен коментар за борбата на Пери да ја надмине зависноста од дрога и алкохол – нешто за што беше отворен и деталeн во неговите мемоари, „Пријатели, љубовници и големата страшна работа“.
