Поранешниот кошаркар Перо Антиќ сподели семејна фотографија со своите тројца синови Лука, Павел и Петар, покажувајќи колку му значат моментите поминати со нив. На фотографијата објавена на Инстаграм, таткото и синовите позираат покрај маса за билјард, а Антиќ напиша: „Мое сè“.
Антиќ, кој зад себе има богата кошаркарска кариера, и претходно споделувал фотографии со синовите, а особено емотивна беше неговата порака до најстариот син Лука, кому му напиша: „Мое првороденче, мојата прва вистинска љубов! Тато те сака и се гордее со големото момче коешто стана“.
View this post on Instagram
Тројцата синови ги има од бракот со поранешната сопруга Ружица Максимовска, со која се разведе во 2019 година.
Антиќ е во љубовна врска со Сања Ристиќ, специјалистка по маркетинг и сопственичка на компанија, која јавноста ја памети и по детскиот хит „Ех, тој Тоше“. Нивната врска стана јавна на почетокот на 2024 година, а двајцата често споделуваат фотографии од заедничките патувања и семејни моменти.
View this post on Instagram
Сања, која од претходниот брак со поранешниот ракометар Дејан Пецаковски ги има синовите Иан и Део, во интервју за „Слободен печат“ отворено зборуваше за љубовта со Антиќ и за тоа како ја освоил.
„Ме освои со својот самоуверен пристап, а уште повеќе што од прв ден ме прифати токму онаква каква што сум, со сите мои квалитети и мани, и ме нарече ‘мое совршенство’. Нема поубаво од човек да е слободен во својата кожа и да е прифатен онаков како што го создала природата“, изјави Ристиќ.
View this post on Instagram
Таа во истото интервју зборуваше и за родителството и за важноста децата да чувствуваат љубов и сигурност и по разделбата на родителите. Сања истакна дека децата треба да знаат дека не се виновни за разводот и дека секогаш ќе имаат семејство кое ги сака, без разлика дали родителите живеат заедно.
View this post on Instagram
