Пејачката Тори Кели била хоспитализирана во неделата вечерта. Имено, додека ручала со другарките во ресторан во Лос Анџелес, почувствувала како срцето забрзано ѝ чука, по што се онесвестила.
Веднаш била пренесена во блиската болница каде што биле утврдени индиции дека нејзината состојба е сериозна.
Крвните згрутчувања или тромбот може да бидат исклучително опасни по живот. Од крвните патишта се шират низ целото тело и може да ги нападнат срцето, мозокот и другите органи и да доведат до фатални последици.
Кога крвно згрутчување ќе ги затне артериите, мозокот, срцето и белите дробови не добиваат кислород, и како последица на тоа доаѓа до срцев или мозочен удар.
Лекарите ѝ откриле згрутчување на крвта во нозете и во белите дробови, а истражуваат дали има згрутчување и на крвта околу срцето.
