-Збогум на една година која многу повеќе ни зеде отколку што ни даде- напиша Каролина Гочева на својот Инстаграм профил.
Каролина мислеше на сите млади животи кои згаснаа во пожарот во Кочани на 16 март, меѓу нив и нејзината драга пријателка и придружен вокал Сара Пројковска, и сите членови на ДНК.
Но, 31 декември е секогаш ден за нови надежи, ден за убави мисли и нови почетоци.
-Па, затоа, само ќе ви посакам мирна и среќна 2026 со некои мои убави моменти на и зад сцената во ‘25та.
Јас ќе бидам вечер заедно со дечкиве од фотографиите, на скопскиот плоштад. Дојдете заедно да ја почнеме новата 2026- напиша поп ѕвездата. Таа до објавата објави неколку фотографии од нејзините настапи оваа година.
