Со оглед на тоа што ова е трет пат како sе случува пожар во пекарата на Драган, водителката е сигурна дека тоа не е случајност. Таа смета дека некој сака да испрати предупредувачка порака до нејзиното момче и признала дека тој се бори со голем притисок во работата.
Во раните утрински часови изгоре погонот во пекарата на бизнисменот Драган Станковиќ, момче на Јована Јеремиќ.
Водителката сега првпат проговори по инцидентот и откри дека е причинета штета од над милион и пол евра.
– Пожар избувна утринава околу три часот, во Драгановиот дел од комбинатот. Штетата е над милион и пол евра. Пожарникарите пристигнаа навреме, но Драган со свои очи гледал како му гори имотот. Ова е трет пожар од 2021 година, а втор во последните два месеци. Тоа се предупредувања и притисоци што ги трпи мојот Драган без престан. Има проблеми во пекарската индустрија, странски фактор сака да ја преземе и да владее со лебот на Србија. Ако ни кројат капа странците, колку ќе биде цената на лебот? Кога ќе падне Драган Станковиќ, ќе паднат сите пекари во Србија. Се бори за српската пекарска индустрија. Сите да работат и да заработуваат, а ни само еден производител да собира пари на грбот на добрите луѓе. Вчера имавме најава за низа притисоци кои ќе се случат. Со овој чин ја браниме нашата земја. Сè што се случи е форма на притисок врз индустријата за леб. Драган нема да го продаде бизнисот, тој само сака и се бори за правда, а тоа е дека секој може да работи и да живее од леб, а не лебот да чини 500 динари. Тој се бори против тоа и затоа трпи напади и штети – изјави Јована за српски „Блиц“.
View this post on Instagram
Потсетуваме, српските медиуми утрово ја објавија веста дека изгорел погон во пекарницата на дечкото на Јована Јеремиќ, бизнисменот Драган Станковиќ. Огнот голтал се пред себе, изгорел еден дел од погонот и нанесена е штета од преку милион евра. Пожарникарите веднаш дошле на лице место, а надлежните органи го следат и истражуваат случајот.
