На задоволство на многубројните фанови на серијата „Сексот и градот“, во последната епизода од втората сезона на спин-офот „And Just Like That…“ се појави Саманта Џонс, која ја игра познатата Ким Катрал. Таа ги сними своите сцени за And Just Like That… без да разговара со нејзините поранешни колешки и пријателки Сара Џесика Паркер, Синтија Никсон и Кристен Дејвис.
Американските медиуми пишуваат дека познатата русокоса добила неверојатни милион долари за еден ден работа на серијата. Таа е во серијата вкупно 60 секунди, со 20 изговорени реченици – што значи дека заработувала неверојатни 16.666 долари по секунда снимање.
Според зборовите на Катрал, директорот на HBO ѝ се јавил ѝ ја прашал што е потребно за да се врати на сетот. Едно од барањата било таа да биде стилизирана од Патриша Филд, прославената костимографка која работеше на оригиналната серија, но не и на ова продолжение.
Да потсетиме дека Ким, која долги години не е во добри односи со Сара Џесика Паркер, ја одби поканата за снимање на серијата. Таа се појавува само еднаш и тоа без да стапи во никаков контакт со Сара Џесика Паркер, што било уште еден од условите на Ким.
