Опенхајмер, епскиот биографски филм за креаторот на атомската бомба Џ. Роберт Опенхајмер на американскиот режисер Кристофер Нолан, оваа година доминира со 13 номинации во трката за овогодинешните награди Оскар, вклучувајќи ја и онаа за најдобар актер, со ирската филмска ѕвезда Килијан Марфи. .
Заедно со Марфи, кој за прв пат беше номиниран за престижната награда, во категоријата најдобра актерка за улогата во истиот филм беше номинирана и британската ѕвезда Емили Блант, а во категоријата најдобра споредна улога е номиниран нивниот колега Роберт Дауни Џуниор.
Драмата е номинирана и во категоријата најдобар филм, а британскиот режисер Нолан беше номиниран во категоријата најдобар режисер. Конкуренција му е уште еден британски режисер, Џонатан Глејзер, за филмот „Зона на интерес“, кој зборува за животот на едно германско семејство во близина на концентрациониот логор Аушвиц.
Домаќин на овогодинешното доделување на Оскарите ќе биде Џими Кимел, по четврти пат во кариерата, а номинираните за 96. доделување на престижните награди ги објавија актерите Зази Бец (Џокер и Дедпул 2, Атланта) и Џек Квејд (Момците), син на актерот Денис Квејд и актерката Мег Рајан. Во категоријата најдобар режисер, Џастин Триет беше номинирана за драмата Анатомија на падот (Anatomy of a Fall).
Интересно е што за прв пат во историјата на Оскарите, три од десетте филма номинирани во категоријата најдобар филм, и тоа Анатомија на падот на Џастин Триет, Барби на Грета Гервиг и Минати животи на Селин Сонг, беа режирани од жени.
Режисерот Мартин Скорсезе (81) по десетти пат е номиниран во категоријата најдобар режисер, а филмот што го режираше – Killers of the Flower Moon – е номиниран во категоријата најдобар филм и адаптирано сценарио.
Феминистичката фантазија Poor Things на режисерот Јоргос Лантимос во која глуми Ема Стоун, која исто така заработи номинација за најдобра женска улога и нејзиниот колега Марк Руфало, беше номиниран за најдобра споредна машка улога, со вкупно 11 номинации.
96-тото доделување на Оскарите треба да се одржи на 10 март во Холивуд..
