Две години по скандалозниот развод од Амбер Херд, актерот почна да излегува со 33 години помлада девојка. Власова живее во Прага, а по потекло е од Русија.
61-годишниот холивудски актер почна да се забавува со 28-годишната Русинка Јулија Власова, која работи како модел. Според извори за „Пипл“, парот ја одржува својата врска „неформална“ и не сакаат да „им се лепат етикети“ на „дечко“ и „девојка“.
„Тие се гледаат повремено“, вели изворот.
Amber Heard ile olaylı boşanma ve uzun süren hakaret davaları sonrası Johnny Depp, yeni aşka yelken açtı. 61 yaşındaki oyuncu, 28 yaşındaki Rus model Yulia Vlasova ile birlikte. pic.twitter.com/m9Iv4W9YLZ
— EMA Haber Ajansı (@emahaberajansi) July 16, 2024
На социјалните мрежи Русинката ги замолила своите пријатели да не кажуваат ништо за нејзиниот личен живот на медиумите: „Пријатели, ве замолувам да се воздржите од било какви изјави за новинарите што се однесуваат на мене и на мојот личен живот, и ве молам за разбирање и почитување на мојата приватност“.
Познато е дека убавицата Власова живее во Прага, каде што поседува студио за шминка и фризура и каде првпат ја запознала ѕвездата на Пиратите од Карибите на 55-от Меѓународен филмски фестивал во Карлови Вари во август 2021 година.
Новата девојка на Џони Деп доаѓа од предградијата на Екатеринбург. Студирала на Институтот за меѓународни односи во Москва, а потоа се преселила во Чешка.
Во 2022 година, актерот имаше скандалозен развод со колешката-актерка Амбер Херд, која го обвини за семејно насилство, но судот потоа го ослободи од обвинувања Деп.
Претходно, Деп беше во врски со Кејт Мос, Џенифер Греј, Винона Рајдер и Ванеса Паради. Ванеса му роди две деца – ќерката Лили-Роуз и синот Џек.
