Пејачката, писателка и медиумска личност Нивес Целзијус повторно се најде во центарот на вниманието откако во едно интервју одлучи да проговори за старите гласини кои со години кружат во јавноста. Станува збор за приказни дека наводно го посетувала хрватскиот фудбалер Марцело Брозовиќ во Ријад, каде што тој игра.
Нивес во разговор за Hype TV јасно порача дека таквите тврдења не се вистинити и дека, како што вели, може многу лесно да ги демантира.
„Имам пасош кој е актуелен неколку години… Се гледа дека не сум го посетувала Брозовиќ, и тоа многу лесно можам да го докажам. Зошто да не им ставам крај на тие приказни? Требаше и порано да бидам попаметна. Во свое време се создаваа урбани легенди, не само за мене, туку и за многу познати личности. Во приказната беше вмешана и една Северина“, изјави таа.
Додаде дека со текот на годините околу нејзиното име често се создавале различни приказни кои со време добиле статус на урбани легенди, а потоа продолжиле да се пренесуваат без никаква проверка.
