Пејачката Весна Змијанац и нејзината ќерка, музичарката Николија Јовановиќ, во морето обврски успеале да одвојат време само за себе. Двете излегле на ручек, а Николија реши да го овековечи моментот со фотографија од својата мајка – во исклучително природно и опуштено издание.
На објавената фотографија, Весна позира со широка насмевка и без трошка шминка, со очила на лицето и коса врзана во едноставно опавче. Облечена во бела маичка, пејачката зрачи со природна убавина и лежерност која ретко ја гледаме во јавноста.
До фотографијата, Николија кратко, но со многу почит напиша: „Госпоѓа Весна Змијанац“.
Во поново интервју, Змијанац открила на што некогаш трошела многу пари – на музички спотови, особено на легендарниот „Идемо на море“, кој деновиве повторно е вирален.
„Слушам дека пак се слуша меѓу младите. Тоа е сериозна песна. Во спотот се појавува и Рамбо Амадеус. Тој спот чинеше како еден стан на Свети Стефан во тоа време. Поради снимањето беа зафатени сите репортажни возила, па не можеше да се сними ниту дневник. Тој спот е скап како ѓавол и најдобриот што постои“, откри Весна со насмевка.
Пејачката се осврна и на денешните продукции, велејќи дека современите спотови ретко можат да се споредат со вложувањето и посветеноста од нејзиното време.
Фановите со задоволство ја поздравија фотографијата што ја објави Николија, сметајќи ја за редок и искрен приказ на една од најголемите балкански диви во нејзиното секојдневие.
