Холивудската дива Никол Кидман завршила во болница откако, и покрај силниот грип, снимила исцрпувачка сцена со професионално борење за серијата „Margo’s Got Money Troubles“.
„Утрото дојдовме на сет и се подготвувавме за борбена сцена. Имавме каскадери и тренинзи, бидејќи сцената беше физички напорна“, раскажал нејзиниот колега Ник Оферман. „Потоа слушнавме дека Никол има грип и дека можеби воопшто нема да дојде.“
Сепак, неколку часа подоцна пристигнала нова информација – актерката доаѓа на снимање.
Беше очигледно болна, бледа и се тресеше. Имаше тежок грип, но сепак одлучи да ја сними сцената – рекол тој.
Во серијата, Никол Кидман толкува професионална борачка по име Лејс, додека Оферман го игра нејзиниот противник Џинкс. И покрај лошата здравствена состојба, актерката, како што наведува нејзиниот колега, одработила сè што било потребно за снимањето.
„Се однесуваше како вистинска суперхероина. Не сакаше да се изгуби ни минута снимање“, додал тој.
По завршувањето на сцената, која била физички исцрпувачка, актерката веднаш била пренесена во болница каде што примила инфузија.
Оферман не го криел воодушевувањето од нејзиниот професионализам:
„Ѝ реков дека и претходно сум ѝ се восхитувал, но дека ова е доказ зошто е таму каде што е. Вака се станува Никол Кидман – така што ќе се појавиш и кога е најтешко.“
И самата актерка претходно зборуваше за својот пристап кон работата, истакнувајќи дека од почетокот на кариерата била водена од работна дисциплина и потреба постојано да работи, без оглед на околностите.
View this post on Instagram
