Пејачката Наташа Беквалац и кантавторот Владо Георгиев се појавија заедно на еден престолнички настан, каде што приредија вистинска музичка магија.
Додека Георгиев ги изведуваше своите хитови, во еден момент на сцената му се придружи и Наташа. Двајцата видливо уживаа во настапот — се насмевнуваа, а пејачката не го тргаше погледот од него додека ја изведуваше неговата песна „Ми нисмо ми“. Публиката реагираше со бурни аплаузи на нивниот заеднички настап.
Владо и Наташа имаат долга музичка историја — тој беше продуцент на нејзиниот албум „Ништо лично“ од 2002 година, а тогаш медиумите долго шпекулираа дека нивната професионална соработка прераснала во нешто повеќе.
„Можеби Георгиев бил луд по мене, но јас тоа не го забележав,“ изјави Наташа со насмевка во едно интервју пред неколку години.
Настанот, кој го организираше брендот „Горки лист“, беше вистински спектакл и собра голем број јавни личности. На црвениот тепих продефилираа Снежана Дакиќ, Сузана Манчиќ, Билјана Обрадовиќ, глумицата Милјана Гавриловиќ, инфлуенсерката Зорана, новинарката Душанка Јованиќ, како и пејачите Јелена Томашевиќ и Сергеј Пајиќ.
