Петтата сезона од хит серијата на Нетфликс треба да започне да се прикажува на 9 ноември.
Во најавата за следната сезона во улогата на Дијана може да се види 32-годишната австралиска актерка ЕлизабетДебики.
На една фотографија, Дебики ја отелотворува скромната Дијана во светкав син фустан со букет цвеќе во рацете, впечатлив приказ на фустанот што принцезата го носеше на свеченоста за собирање средства во галеријата „Серпентин“ во 1995 година, организирана од страна на магазинот „Vanity Fair“.
View this post on Instagram
Дебики ја замени Ема Корин во улогата на Дијана, додека ѕвездата од „The Wire“ Доминик Вест ја презеде улогата на Чарлс од Џош О’Конор.
На друга фотографија Дебики ја претставува покојната принцеза на еден мал брод, заедно со Чарлс и младите Вилијам и Хари. Актерите Теди Холеј и Вил Пауел го толкуваат ликот на принцот Хари во 90-тите, додека Тимоти Самбор и Шон Вест ја играат улогата на принцот Вилијам.
View this post on Instagram
Гледачите на серијата на социјалните мрежи коментираа дека изборот на актери е многу добар и дека Дебики одлично се покажала во улогата Дијана, но и дека сличноста на актерката со покојната принцеза на фотографиите е „нереална“ и „малку морничава“.
Исто така, Нетфликс откри и како ќе изгледаат кралицата Елизабета и нејзиниот сопруг принцот Филип во новите епизоди на серијата „The Crown“, пренесува Кликс.
