Пејачката Неда Украден вели дека многу ја сака слободата и работи на повеќе нивоа, од семејно до професионално, а нов брак не ѝ е приоритет.
Неда овој август ќе го прослави својот 74 роденден, а темпото на работа во овие години не е ништо помалку интензивно од кога беше многу помлада. Пејачката неодамна го претстави албумот „Samo je nebo odna nas“ кој е компилација од најпознатите и најубавите дуети што ги испеа.
Пејачката вели дека силата ја црпи од семејството и најмногу ја исполнува улогата на баба.
– Имам прекрасна ќерка. Бог ми даде навистина само едно дете, но скапоцено. Ми даде и три прекрасни внуци, две внуки и еден внук. Ако ви кажам дека тие се најдобрите ученици во класот, тогаш ме разбирате зшто се гордеам со тоа. Но, пред сè, мило ми е што тие се добро воспитани деца, што сите сме едно прекрасно семејство кое живее заедно. Мислам дека само ние сме вакви, три генерации и одлично се сложуваме и се надополнуваме, имам и прекрасен зет. Децата се веќе доволно возрасни за да знаат да ценат и почитуваат. Многу сум среќна за нив и тие се посебна димензија на мојот живот – изјави пејачката во интервју за „Ин магазин“.
Неда ја доби Јелена во брак со нејзиниот покоен сопруг Милан, кој почина во 2013 година.
– Најубавите години ги поминав со мојот покоен сопруг.Ја добивме ќерката Јелена и таа е можеби главната причина што не сакав повторно да застанам пред олтарот, иако многумина ме молеа. Не жалам што не се омажив по вторпат. Подобро е да бидам сама отколку да бидам со некој што не ми се допаѓа и кој ми создава киселина во стомакот – изјави во едно интервју Неда, а сега одговори на прашањето дали има некој посебен покрај себе.
– Фала на прашањето, убаво е и не се жалам. Секогаш ги посакувам тие пеперутки. Никогаш не се откажуваш, додека си жив, живееш и умираш за љубов, како што вели една моја песна. А бракот? Слушајте, ако чуете дека сум омажена, тоа значи дека сум без памет! Се шегувам, нема потреба, ја имам таа димензија на мојот карактер и мојата личност – многу ја сакам слободата. Жена како мене која делува на повеќе нивоа од семејно до професионално, онаа која постојано гради, секогаш е со градителите. Многу е тешко да сфати некој кој не е во таа приказна – изјави Неда за ИН Магазин.
