Музичката дива Неда Украден во новото гостување во подкастот „Nema labavo by IN magazin“ отворено проговори за бракот со режисерот Милан Билбија. Украден откри дека бракот со покојниот режисер, и покрај нивната претходна десетгодишна врска, всушност бил грешка.
„Се излажав себеси што не се послушав и што воопшто влегов во тој брак. Но, од друга страна, ја имам мојата прекрасна ќерка“, призна таа.
Иако својот поранешен сопруг го опишува како прекрасен човек, пејачката истакнува дека едноставно не биле еден за друг поради непомирливите разлики во карактерите и начинот на живот.
„Јас сум вредна, работлива. Ако легнам во два часот по полноќ, си велам: ‘Добро е, не е три.’ За него тоа беше многу напорно, а за мене беше напорно да живеам покрај човек на кого сè му е напорно“, објасни таа, додавајќи дека тој тешко се носел со нејзината слава и бил љубоморен.
Капката која ја прелила чашата бил момент кој довел до одлуката за развод по само три години брак била промената во неговото однесување кон неа и кон нивната ќерка Јелена.
„Кога видов како се однесува кон мене и кон малото девојче, си реков: нема повеќе ниту еден ден. Тоа не беше нашиот договор за животот и за одгледувањето на детето. Ако веќе треба да бидам сама, тогаш ќе бидам сама“, се присети Неда.
Капката која ја прелила чашата биле грубите и грозни зборови. Неда не сакала да дозволи љубовта во која верувала цели десет години целосно да се уништи и да се извалка, па затоа решила да сврти нов лист во животот.
Тешко е да се најде вистинскиот партнер
Пејачката претходно призна дека во нејзиниот живот немало многу љубови, но речиси сите завршиле со разочарување.
„Моите љубови не беа многу на број. Сите беа долги и на свој начин убави, но несреќни. Штом сè уште не сум со некого, очигледно е дека на жена како мене ѝ е тешко да го пронајде вистинскиот партнер“, изјави таа своевремено.
Со текот на времето, Неда научила да биде среќна сама со себе, со своето семејство и со својата работа.
„Не чувствувам дека некој ми недостига. Животот е скапоцен, убав и возбудлив. Секој ден е подарок од Бога и за тоа сум бескрајно благодарна. Да чекате некој друг да ве усреќи е чиста глупост и губење време“, заклучи Неда Украден.
