За борбата за животот на неговата ќерка, и за последниот ден од животот на Дуле, емотивно раскажа виолинистот Коки Јанков.
-Се борев на овој начин, се борев, таков е животот нели…, Колата не ми беше дома, јас тргнав да го видам до Државна болница пешки, таму беше мајка му. И на пола пат ми вели: „Коки, готово е…
Знаете кога на некој друг му се случува е едно. Кога ќе стане тесно за сопствениот живот, односно во овој случај, повеќе од сопствениот живот, на моето дете“, рече Коки во емисијата „Животна приказна“ на Македонската телевизија.
Ова го откри во најавата на емисијата која е објавена на социјалните мрежи. Инаку, Коки претходно најави дека на претстојниот „Макфест“ ќе пее две песни во чест на прерано починатиот Душан Љубисављевиќ- Дуле.
Фестивалот годинава ќе слави јубилеј, цели 40 години, а една од песните кои Коки ќе ги пее е „Виолина и гитара“ со која со Дуле настапија и победија на „Макфест“ во 1996 година.
Дуле почина од канцер на 23 септември во 2013 година.
