Томас Маркл не ги гледал документарните серии на неговата ќерка, „Хари и Меган“ , пишуваат американските медиуми.
Тие пренесуваат изјава од полусестрата на Меган, која вели дека „нивниот татко е повеќе фокусиран на неговото здравје, отколку на проектот што таа го нарекува „непочитуван“.
Според Саманта Маркл, таа на нејзиниот татко му кажува да не го гледа новиот документарец, затоа што Меган Маркл покажала крајно непочитување кон нејзиното семејство.
Саманта вели и дека Томас не знае што има во серијата и дека не треба да дознае.
Таа мисли дека тој дури и не би сакал да гледа, бидејќи случувањата во кралското семејство веќе некое време му штетат на здравјето.
Најважно е што тој се уште се опоравува од мозочниот удар што го доживеа на почетокот на оваа година.
