На почетокот на 2024 година се дозна дека кралот на Велика Британија бил опериран поради зголемена простата. Потоа беше објавено дека на кралот му бил дијагностициран рак.
Здравјето на британскиот крал Чарлс Трети постепено се влошува, принудувајќи ги службениците на Бакингемската палата редовно да ги ажурираат плановите за неговиот претстоен погреб, чии подготовки започнаа ден по погребот на кралицата Елизабета Втора, на 19 септември 2022 година. За ова пишува Дејли бист.
На почетокот на 2024 година се дозна дека најстариот син на кралицата Елизабета бил опериран поради зголемена простата. Потоа беше објавено дека на кралот му бил дијагностициран рак. Сега извори велат дека ситуацијата „не е добра“.
„Секако дека е решен да го победи ракот… Сите остануваат оптимисти, но здравствена состојба навистина му е влошена“, рече пријател на кралското семејство.
Претходно, упатените рекоа дека Чарлс III „одговара многу добро“ на третманот.
Зад сцената, сепак, помошниците на монархот редовно прегледуваат копии од документ од повеќе стотина страници во кој се наведени плановите за неговиот кралски погреб, наречен Операција Менаи мост.
„Плановите се исчистени од прашина и активно се ажурираат. Ова не е ништо повеќе отколку што би очекувале, имајќи предвид дека на кралот му е дијагностициран рак“, изјави за изданието поранешен функционер на палатата.
Планот за смрт на британскиот крал е именуван по висечкиот мост што го поврзува островот Англеси со копното на Велс. А Чарлс III своевремено беше принц од Велс, носејќи ја титулата што сега му припаѓа на неговиот син Вилијам.
