Ги знаеме здравствените предности на маслиновото масло и секако сакаме да одбереме квалитетен производ за нас. Обично скапите производи ги изедначуваме со квалитетни, но не мора да значи. Може да одбереме висококвалитетно маслиново масло кое има пристојна цена, а може и да го „преплатиме“ не толку квалитетното маслиново масло спакувано во примамлива амбалажа.
Следете ги овие 6 совети како да го препознаете квалитетното маслиново масло и нема да згрешите.
Совет бр 1.
Ова е и најважниот совет сугериран од познавачите на маслиново масло: Квалитетното маслиново масло треба да има силна миризба на маслинки и трева, и да е горчливо по вкус.
Совет бр. 2
Маслата на кои не е наведен рокот на траење најчесто долго стојат на полиците, а тоа им го расипува вкусот. По правило, маслиновото масло не треба да биде постаро од една година.
Совет бр 3.
При изборот одлучете се за маслиново масло на кое е наведена киселост не поголема од 0,5 отсто. Така ќе бидете сигурни дека маслинките се обработени непосредно по бербата.
Совет бр.4
Најголемите непријатели на маслиновото масло се топлината и светлината што предизвикуваат побрзо расипување. Затоа барајте маслиново масло што е спакувано во темно стаклено шише, а не во пластично. Дома пак претурете го во мало шишенце и чувајте го во шкафот што подалеку од шпоретот или каков било друг извор на топлина и светлина. Останатиот дел од маслиновото масло сместете го на температура од 14 или 15 степени.
Совет бр.5
Најквалитетните маслинови масла доаѓаат од Италија, сега и од Истра (Хрватска). Но сепак, ако купувате италијанско маслиново масло, проверете на етикетата дали тоа навистина е произведено во Италија. Се случува под италијанска етикета производството на маслото да биде во Шпанија или Израел.
Совет бр.6
Пластиката е штетна за чување на маслиновото масло. Па во изборот на квалитетно маслиново масло, може да тргнете токму оттука.
