Пејачката Наташа Беквалац зборуваше за своите бракови, како и за односот што нејзината ќерка Хана го имала со тогашните партнери на мајка ѝ.
Наташа Беквалац од бракот со Данило Икодиновиќ ја добила токму Хана. Нејзиниот втор брак бил со Љубомир Јовановиќ, а третиот со Лука Лазукиќ, со кој пред повеќе од седум години ја добила ќерката Катја.
Беквалац откри дека нејзините деца не биле сведоци на расправии меѓу неа и нејзините партнери:
„Се разведов три пати, ниту едно од моите деца никогаш не слушнало покачен тон, никој не бил критикуван или малтретиран, а да не зборуваме за насилство“, изјави таа за време на гостувањето во емисијата Роберт Чобан.
Таа додаде дека Хана сега ѝ раскажува за некои работи што ги доживувала во училиште или што ги читала:
„Хана ме штитеше толку многу што не чувствував колку ѝ било тешко“, рече Наташа.
Пејачката откри и какви чувства Хана имала во истото домаќинство со Љубо и Лука:
„Љубо го обожаваше и тие и ден-денес имаат свој однос, со кој јас немам никаква врска, навистина!“ – рече Наташа, и додаде дека Љубо се однесувал како некоја машка фигура за нејзината ќерка, и тоа сè уште е присутно.
Таа истакна и дека иако со Љубо сакала да има дете, тоа не се случило:
„Сакaвме, да, но не се случи. Животот ни даде некоја друга патека и тоа е тоа“, рече таа.
За Лука Лазукиќ, пак, Наташа категорично рече дека нема да зборува: бракот завршил бурно поради насилство што таа тогаш го доживеала.
