Наташа Беквалац конечно откри зошто не се појави на концертот на Емина Јаховиќ, а притоа најави и дека за дочекот на 2026 година подготвува вистински спектакл за својата публика.
Пејачката истакна дека е подготвена за нови професионални успеси.
„Подготвена сум, во овој период секогаш сум подготвена за сè што доаѓа. И вас и мене нè очекува спектакуларен настап – ќе биде еуфорично и прекрасно. Се надевам дека на сите ќе ни биде подобро од оваа година. Не се гледам како поединец, туку како дел од нешто заедничко, затоа и велам: сакам на сите да ни биде подобро“, рече таа.
Како што годината 2025 привршува, Наташа откри што научила во последните 11 месеци.
„Учам да молчам. Кога премногу зборуваш за нешто, луѓето знаат да ти го расипат. Затоа решив само да работам и да давам. Научив да ги контролирам емоциите, бидејќи мојот темперамент често создава тензии. Сфатив дека мирот е најважен – тогаш сè се гледа и чувствува многу појасно“, истакна Беквалац.
Пејачката откри и зошто не присуствуваше на концертот на Емина Јаховиќ.
„Бев целосно подготвена – и фустанот, и шминката, сè беше договорено. Но ми се појави сериозен приватен проблем и не постоеше дилема што треба да направам. Бидејќи Емина е мајка, ми рече: ‘И јас би постапила исто’. Ми понуди нови датуми за следните концерти, но и двата термини сум зафатена. Сепак, знам дека ќе се случи нешто многу убаво кога сме ние две во прашање, многу ја сакам“, објасни таа пред медиумите.
