Два астероиди со големина на мали облакодери ќе прелетаат покрај Земјата на 30 и 31 јули 2022 година, според НАСА.
Првиот астероид, наречен 2016 CZ31, ќе прелета покрај Земјата во сабота во 1 часот по полноќ по македонско време со брзина од приближно 55.000 km/h, на околу 2,8 милиони км од Земјата.
Според НАСА, овој астероид се приближува до Земјата на секои неколку години, следниот пат кога ќе прелета ќе биде во јануари 2028 година.
Вториот астероид 2013 CU83 е широк 183 метри и ќе помине покрај Земјата на растојание од 6,9 милиони километри. Оваа вселенска карпа ќе се движи со брзина од 21.000 km/h и ќе се приближи до Земјата во 2:30 часот по македонско време на 31 јули 2022 година.
