Дваесет и пет лица синоќа се здобиле со изгореници откако оделе боси по врел јаглен како дел од тим билдинг во Швајцарија. Поради тежината на повредите 13 од нив биле пренесени во болница.
Инцидентот се случил откако група луѓе на полуостровот Ау јужно од градот Цирих решиле да одат боси по неколку метри долг жар. Многумина почнале да чувствуваат болка набргу потоа.
Пристигнале 10 амбулантни возила
Поради изгорениците, околу 18 часот на местото пристигнале 10 возила на Брза помош. Засега не е познато дали луѓето изгореле поради начинот на кој бил поставен жарот или едноставно на погрешен начин чекореле преку него, пишува Би-Би-Си.
Одење по врел јаглен често се изведува за време на мотивациски курсеви, на добротворни настани или за време на верски церемонии.
