Една од најславните двојки во светот реши да ги обнови брачните завети една година по венчавката за која сите зборуваа и пишуваа, по што ќе следи гала прослава во нивната луксузна вила.
Бидејќи не е вообичаено да се обновуваат заветите толку рано, одлуката на Џенифер Лопез и Бен Афлек на почетокот ги изненади сите. Но, нивните најблиски сфатија колку Џенифер и Бен се сакаат и ги поддржаа со цело срце.
„Џен и Бен се повљубени од кога било и оваа година од нивниот брак беше, со еден збор, спектакуларна. На сите нивни деца им оди одлично, семејствата се хармонични. И двајцата сакаат да ги обноват заветите и да покажат колку се вљубени еден во друг. Тие не ја земаат здраво за готово оваа втора шанса“, изјави извор за Дејли Мејл.
Изворот за споменатите медиуми додаде дека дуото Бенифер има намера да ја слави својата љубов, им се доплаѓало тоа на луѓето или не, бидејќи конечно ја имаат „врската каква што отсекогаш ја посакувале“.
Од друга страна, сопружниците во оваа прилика не се огласија во јавноста, па останува да видиме дали одлуката на Џенифер Лопез и Бен Афлек е конечна или имало промена во последен момент.
