Душко Тошиќ во септември минатата година отвори ресторан на Нов Белград, но веќе во мај донесе одлука да се повлече од угостителството. Како што пренесуваат медиумите, поранешниот фудбалер сфатил дека овој бизнис не е за него и дека му одзема премногу време, па решил да се насочи кон други проекти.
По завршувањето на професионалната фудбалска кариера, Тошиќ најпрво се испроба во угостителството, а подоцна и како инвеститор. Одлично се снаоѓа и во менаџерските води, што му е потесна специјалност, а заедно со пријател вложува и во недвижности.
– Душко е голем хедонист и сакаше да се испроба во угостителството, но по осум месеци реши да се повлече. Тој сака да работи и да создава, често експериментира со различни проекти. Работата и децата му се главен фокус. Има пријатели со кои успешно соработува. Патувал многу и точно знае што му се исплати да работи, а што не. Се повлекува од ресторанот што го отвори со пријатели, но објектот продолжува да работи со полн капацитет – изјавил извор за медиумите.
Во меѓувреме, пристигна и официјално соопштение дека локалот добил нов сопственик, кој најави продолжување на работата со нов концепт.
– Со новиот сопственик доаѓа нова енергија и нова визија, но со задржување на традицијата на ресторанот. Врвна италијанска кујна, елегантен амбиент и пријатна музика – стои во објавата на ресторанот.
