Пријателите на легендарниот актер, режисер и наратор Морган Фримен открија дека неговата здравствена состојба е сериозно нарушена, пренесува „Дејли стар“. Тој на крајот на јули се појави на настанот „SeaChange“ и изгледаше слаб, а според медиумите ослабел дури 11 килограми.
На овој настан, актерот, кој има 86 години, беше забележан во сина кошула и сив костум, со темни очила за сонце и капа на главата, со рацете зад грб. Според информациите на порталот „Радар онлајн“, пријателите на актерот се се позагрижени за него.
„Поднесува неверојатни болки. Го боли кога оди, кога станува од столица, па дури и само кога мрда со раката. Воглавно пати во тишина, но добар дел од времето е во агонија“, објаснува изворот.
Друг извор за „Радар онлајн“ изјавил дека актерот ослабел 11 килограми во последните две години, а апетитот му исчезнува поради болките. Инаку, поради инфекција, актерот беше принуден да го откаже патувањето во Обединетото Кралство, каде што требаше да се појави на промоцијата на филмот „Специјални операции: Лавица“.
Сепак, ПР агентот на Морган Фримен инсистира дека тврдењата на пријателот се лажни.
Фримен наполни 86 години во март оваа година. Се прослави во бројни филмови, првиот Оскар го доби во 2005 година, за филмот „Девојка од милион долари“. Актерот е препознатлив и по бенките на лицето, но и по обетките кои со години не ги извадил.
– Отсекогаш сакав (да носам) обетка. Тоа е поврзано со мојата љубов кон морето. Јас сум страстен морнар, вечно вљубен во сината вода – изјави еднаш легендарниот актер.
