Минатиот петок Бијонсе го објави својот нов албум, Renaissance. Додека проектот беше широко пофален, многу слушатели се спротивставија на употребата на зборот „спаз“ на 11та песна.
Откако се соочи со интензивни критики за навреда упатена кон лица со попреченост, претставник на пејачката во понеделникот објави дека ги отстранува стиховите, велејќи дека не биле користени „намерно на штетен начин“.
Поттикната од овој настан, Левински се јави да сугерира дека Бијонсе може да размисли и за отстранување на референца од песната „Partition“ од 2013 година.
uhmm, while we’re at it… #Partition
Beyoncé to Remove Renaissance Lyric After Outrage: Ableist, Offensive – Variety https://t.co/DzN80FdzPB
— Monica Lewinsky (she/her) (@MonicaLewinsky) August 1, 2022
Доколку не сте запознаени, „Partition“, која се појави на истоимениот албум на Бијонсе, алудира на многу специфичен аспект од романсата на претседателот Бил Клинтон со тогаш 21-годишниот Левински кон крајот на 1990-тите. За време на првиот стих, Бијонсе ја опишува „сексуалната средба“ меѓу Левински и Клинтон, упатувајќи на фактот дека неверството било јавно докажано, а на синиот фустан на Моника Левински останале траги од „машкоста“ на тогашниот претседател на САД.
Но, вреди да се спомене дека употребата на името на Левински во контекст на сексуални инсинуации е вообичаено во рап музиката, а Бијонсе секако не беше првата што го стори тоа.
За време на нејзиниот Тед говор во 2015 година, Левински истакна дека била именувана во речиси 40 рап песни, изведени од Ники Минаж, Еминем и Лил Вејн.
