Отец Јован од манастирот на Светите апостоли Петар и Павле се огласи по повод шокантното видео на кое Сандра Африка, наводно во шега со своја пријателка, ја изразува намерата да го крсти своето куче.
Според видеото, таа изјавила дека „нашла црква каде што тоа може да се направи“, што го оставило монахот без зборови.
„Прости ѝ, Господи, не знае што прави! Кога би знаела колкав грев е тоа – да се обезвреднува Светата тајна Крштение – никогаш не би го направила. Тука нема Божји благослов. Ова се страшни работи, богохулење и за вакви зборови може да се оди и на црковен суд и да се сносат сериозни канонски последици, доколку личноста е крстена и припаѓа на православната вера“, истакнал тој.
„Мојот татковски совет е со горки солзи да се покае за тие зборови, кои само нечестивиот може да ги всади во нечија глава и да отиде кај тој свештеник што го спомнува и да му се извини. Ме затекнавте, ова е нечуено. Господи, помилуј“, рекол шокиран монахот за „Курир“.
Да потсетиме, видеото во која се споменува „крштевање на куче“ изгледало вака:
„Сега се пакувам и тргнувам на пат, ама заборавив вчера да ти кажам – планирам на 10 декември да го крстам Африка“, рекла пејачката по телефон на женска личност која ја повикала, по што следувало молчење.
„Што да направиш, бре?! Тоа може ли воопшто? Каде се прави тоа?“ — во шок прашала пријателката.
Африка морала да го прекине повикот поради напад од смеење, а потоа повторно ја повикала и ја уверила дека постои црква што се занимава со тоа и дека веќе е договорено со свештеник.
„Ме зезаш ли ти мене сега? Па ти не си нормална! Добро, разбирам… ама… Господи Боже, чекај да се прекрстам“, се чудела нејзината пријателка.
