Принцезата Дијана од Велс почина пред 25 години под мистериозни околности. Во сите изминати години вообичаено беше да се обвинуваат папараците за смртта на Лејди Ди, кои ја бркале да ја фотографираат во автомобилот во кој била со својот љубовник. Сепак, љубителите на теориите на заговор имаат повознемирувачки верзии: на пример, дека Дијана била бремена, а дека лекарите одбивале да ја примат на преглед.
View this post on Instagram
Пред 25 години, на 31 август 1997 година, околу полноќ, автомобил Мерцедес движејќи се од хотелот Риц во Париз, удрил во тунел под мостот Алма, на помалку од 1,5 километри од Ајфеловата кула.
Во автомобилот биле принцезата Дијана, нејзиниот љубовник Доди Ал-Фајед, нивниот возач Анри Пол и телохранителот Тревор Рис-Џонс. Сите загинаа, освен Рис-Џонс, кој бил единствен што носел безбедноснен појас во автомобилот.
Една недела подоцна, на 6 септември 1997 година, погребот на Дијана беше одржан во Вестминстерската опатија. Според Си-ен -ен околу 2,5 милијарди луѓе ширум светот ја следеле церемонијата. Дијана е погребана на имотот на нејзиното семејство Алторп во Нортхемптоншир.
Истрагата за причините за несреќата траеше речиси десет години. Во декември 2006 година, по завршувањето на истрагата за смртта на принцезата Дијана, британската полиција објави извештај во кој наведе дека таа починала во несреќа. До несреќата дошло по вина на возачот Анри Пол, кој возел во алкохолизирана состојба, која дополнително била влошена со дејство на антидепресиви. Сепак, постојат многу теории за тоа како принцезата Дајана „навистина“ починала.
Имено, под влијание на медиумите, но и на египетскиот милијардер Мохамед Ал-Фајед, таткото на починатиот Доди, полицијата била принудена да тестира 175 теории за тоа што се случило таа ноќ.
Милиони фунти влегоа во „играта“ на расплетите, но ниту една од овие верзии никогаш не беше препознаена како вистинита. Сепак, теориите на заговор продолжуваат да постојат.
View this post on Instagram
Дијана наводно била убиена од властите
Многу теории на заговор се родиле од верувањето на самата принцеза Дијана дека сакале да ја убијат. Како доказ, јавно беше објавено писмо, кое Лејди Ди го депонирала кај батлерот Пол Бурел.
„Октомври, денес седам овде на моето биро и копнеам некој да ме прегрне и да ме поттикне да го поткренам расположението и да ја кренам главата високо. Оваа конкретна фаза од мојот живот е најопасна. <…> се планира „несреќа“ што ќе ми се случи со мојот автомобил, ќе откажат сопирачките и [ќе добијам] сериозна повреда на главата. Ова ќе му го расчисти патот на Чарлс да се ожени“, се вели во писмото.
Дијана била навистина загрижена за својата безбедност и особено за состојбата на возилата, бидејќи нејзиниот автомобил не бил секогаш во добра состојба. Непосредно пред да го напише писмото, телохранителот на принцезата загинал во несреќа за која таа верувала дека била поттикната од британските власти.
Дијана наводно била бремена
Таткото на Доди Ал Фајед, бизнисменот Мохамед Ал Фајед, бил убеден дека принцезата Дијана останала бремена од неговиот син, но британските власти не можеле да дозволат таков тек на настаните.
„Кралското семејство не можеше да го прифати фактот дека муслиман Египќанец би можел да стане очув на идниот крал на Англија“, изјави Мохамед Ал Фаед, пренесен од весникот „Индепендент“. Затоа, естаблишментот наводно одлучил да ја убие Лејди Ди.
Гласините за можна бременост на принцезата се појави неколку недели пред смртта на Дијана за време на нејзиниот одмор со нејзиниот љубовник во Франција. По обдукцијата на телото, бременоста не е потврдена, истото го докажале и анализите на крвта.
Дијана наводно била убиена од фотограф во бел „фиат“
Новата документарна серија насловена „Истражувајќи ја Дијана: Смртта во Париз“, која се емитуваше на британскиот ТВ канал „Канал 4“ пред 25-годишнината од смртта на принцезата, се заснова на теоријата дека сообраќајната несреќа се случила наводно поради бел автомобил „фиат уно“. Автомобилот наводно го песекол патот на автомобилот во кој бил Дијана, поради што тој удрил во тунелот и се превртел.
Според француските истражители, очевидци таа ноќ забележале бел „фиат уно“ како излегува од тунелот со неговиот возач фокусиран на ретровизорите. Потоа, на уништениот „мерцедес“ биле пронајдени траги од бела боја.
Фабрис Кувиље, портпарол на париската полициска единица за криминал, тврдел дека возило „фиат уно“ навистина постоело во материјалите и дека не станува збор за „патка“ на полицијата за да го пренасочи вниманието.
Како резултат на истрагата, се покажа дека сопственик на автомобилот бил францускиот фотограф Џејмс Андансон, кој ги фотографирал принцезата Дијана и Доди Ал-Фајед непосредно пред нивната смрт. Тој не бил вклучен во трагедијата, но една година подоцна починал под мистериозни околности, кои се сметале за самоубиство.
Возачот Анри Пол наводно намерно испровоцирал несреќа
Според теоретичарите на заговор, возачот Анри Пол не само што бил шеф на обезбедувањето во хотелот „Риц“ во Париз, туку се договарал и со тајните служби на Франција или Велика Британија или на двете земји. Според оваа теорија на заговор, Пол намерно ја испровоцирал несреќата и не бил пијан во моментот на судирот. Информациите за неговата пијана состојба наводно намерно ги пренеле медиумите за да се сокрие убиството, а на местото на несреќата неговото тело било заменето со тело на друго лице.
Многумина сметаат дека оваа верзија е веродостојна бидејќи Пол не изгледал пијан кога го напуштил хотелот „Риц“ во друштво на Дијана, Ал Фајед и нивното обезбедување. А на неговите сметки имало многу повеќе пари отколку што очекувала полицијата.
View this post on Instagram
Лекарите наводно дозволиле Дијана да умре
Поддржувачите на оваа теорија се сигурни дека доколку принцезата Дијана била веднаш однесена во болница, а не била пружена прва помош на лице место, тогаш би можела да преживее. Меѓутоа, во Франција, според правилата, екипите на брзата помош мора да ѝ пружат максимална помош на жртвата на местото на инцидентот, додека во Велика Британија треба што побрзо да го однесат лицето во медицинска установа.
Како што забележала британската полиција во извештајот за „операцијата Паџет“, нема докази за медицински заговор да не ѝ се пружи помош на Дијана.
Освен тоа, невозможно е да се каже дали Дијана би преживеала доколку веднаш била однесена во болница.
Една од теориите тврди дека Дијана и по несреќата била жива, но била во критична состојба. Според британските медиуми, таа добила потрес на мозокот, имала скршена рака и големи повреди на градниот кош. Принцезата била пренесена во болницата „Питие-Салпетриер“, лекарите направиле двочасовна операција, но таа не се освестила. Таа почина од внатрешно крварење во 4:53 часот на 31 август 1997 година.
View this post on Instagram
