Пејачот Мирослав Илиќ, кој зад себе има повеќедецениска успешна музичка кариера, во една прилика проговори за своите месечни приходи и расходи и ја изненади јавноста со искрениот одговор.
Имено, тој откри колку му е потребно секој месец за да води, како што вели, „пристоен и нормален живот“.
„Не сакам да се фалам со такви работи. Отсекогаш сум ги презирал приказните за авиони, камиони, јахти и такви глупости. Секако дека ќе имате ако го сакате она што го правите и ако заработувате прилично пари. Верувам дека никој не треба да посегнува по туѓ имот“, искрено рече Мирослав Илиќ.
Сепак, тој не пропушти да открие колку пари му се потребни месечно за да живее мирно и без стрес.
„За сите овие години, секако дека работев и заработував пари. Без разлика колку ни се дава – секогаш е малку. Но, за моите потреби, околу 3.000 евра месечно ми се доволни. Таман да не размислувам за зимата. Кога плаќате за едно, за друго, купувате нешто… ви останува доволно за пристоен живот“, изјави тој за српските медиуми.
