Се ближи премиерата на специјалното издание „Хари Потер: Враќање во Хогвортс“ по повод 20-годишнината од Хари Потер и Каменот на Мудроста, кој ја оживеа приказната на социјалните мрежи за тоа колку заработиле актерите во одредени делови од познатата филмска серија.
(ВИДЕО) 20 ГОДИНИ ПОДОЦНА: Објавен е првиот трејлер за Хари Потер: Враќањето во Хогвортс
Најголем интерес предизвика актерското трио Даниел Редклиф, Ема Вотсон и Руперт Гринт, а според порталот „Just Jared“, откриено е колку заработиле, а бројките се огромни.
Руперт Гринт заработил 4 милиони долари за улогата во петтиот филм од серијата „Хари Потер и Редот на Фениксот“, исто како и неговата колешка Ема Вотсон, додека Даниел Редклиф заработил 14 милиони долари.
Гринт и Вотсон заработија по 15 милиони долари за два дела на седмото продолжение, додека Редклиф бил платен 20 милиони долари за улогата во „Хари Потер и Реликвиите на Смртта“.
Од друга страна, неговата плата за првата филмска адаптација на романот на Џ. К. Роулинг, „Хари Потер и Каменот на мудроста“ изнесуваше еден милион долари.
