Музичарот Мерлин Менсон се соочува со тужба за сексуална злоупотреба на 16-годишно девојче, настанот наводно се случил во 1995 година во Њујорк.
Наводната жртва изјавила дека злоупотребата се случила во септември по еден од концертите на Менсон. Се се случило во автобусот во кој патувал пејачот.
New accusations: Marilyn Manson groomed and sexually assaulted an underage girl multiple times in the 1990s.
Reporting via Rolling Stone: https://t.co/xzFavB5ZiY pic.twitter.com/1NyvLuY2lX
— ella dawson (@brosandprose) January 30, 2023
Тужителката позната како Џејн До, фиктивно име за заштита на нејзиниот идентитет, раскажала што се случило тој ден кога го запознала Менсон.
„Додека бил во туристички автобус, обвинетиот Ворнер (вистинското име на Менсон) извршил различни дејствија на криминално сексуално однесување против тужителката, која во тоа време била девица, вклучително, но не ограничувајќи се на, насилно дружење и вагинална пенетрација“, се вели во тужбата, која е објавена на веб-страницата на „Инсајдер“.
Откако Менсон (54) ја силувал, ѝ рекол „да се симне од автобусот“ пред да ѝ се закани дека ќе го убие нејзиното семејство ако некому каже за тоа што се случило, се наведува во судските документи.
Девојчето „имало болки, било исплашено, вознемирено, понижено и збунето“, а набргу по инцидентот развило зависност од дрога и алкохол, се тврди во тужбата.
Во тужбата се наведува дека Менсон, чие вистинско име е Брајан Ворнер, „во рок од неколку недели“ почнал да ѝ се јавува на младата девојка и да бара од неа „да испрати експлицитни сексуални фотографии од неа и нејзините пријателки во неговиот фан-клуб, Satan’s Bakesale“.
Менсон ѝ се заканувал по злоставувањето: „ако таа каже некому, тој ќе ја убие неа и нејзиното семејство“, се вели во тужбата.
Истата година девојчето било покането на концерт во Њу Орлеанс каде што исто така била малтретирана. Менсон продолжил да контактира со неа и четири години подоцна, во 1999 година ја однел на турнеја каде повторно ја малтретирал и ја замолил да има секс со другите членови на бендот.
