Францускиот претседател Емануел Макрон, за време на телефонскиот разговор со неговиот украински колега Володимир Зеленски, ја подвлече својата загриженост за „заканата претставена со присуството и акциите на руските вооружени сили“ околу нуклеарната централа во Запорожје и повика на повлекување на војниците, известуваат француските медиуми. Макрон потоа ја изрази својата поддршка за предлогот на генералниот директор на Меѓународната агенција за атомска енергија за што поскоро испраќање мисија во земјата. Двајцата лидери потоа разговарале за модалитетите на оваа мисија.
Според прорусите во Запорожје, пак, украинските војници ги погодуваат „слабите точки“ на нуклеарната централа „вклучувајќи го и системот за ладење“. Доколку се оштети, реакторот може да стане неконтролиран, рече Володимир Рогов, член на главниот одбор на администрација, пренесува Риа Новости. Ако системот за ладење откаже – продолжува Рогов – ова може да доведе до „катастрофа поголема од несреќата во нуклеарната централа во Чернобил“.
