Врската помеѓу фудбалерот Жерар Пике и пејачката Шакира заврши пред неколку месеци, а тој летово се појави со својата нова 23-годишна девојка Клара Киа Марти. Интересно е тоа што Шакира неодамна се сретна со мајката на Пике, Монсерат Бернабеу. Како што пренесува шпанскиот магазин „Marca“, таа на пејачката ѝ раскажала за што разговарала со нејзиниот син – наводно му рекла дека направил грешка што раскинал со мајката на неговите деца.
Според папарацото Џорди Мартин, Шакира и Монсерат срдечно се прегрнале и се поздравиле, но разговорот станал тензичен откако пејачката се пожалила за однесувањето на Пике и за тоа што пребрзо ја запознал својата нова партнерка со семејството.
–Мајката на Пике ја бранеше девојката на нејзиниот син велејќи дека таа е пристојна и приврзана девојка, па стана малку тензично, откри новинарот.
Неодамна се појавија нови фотографии од парот и се дозна дека фудбалерот повторно го прекршил договорот со пејачката. Според весникот „Mundo Deportivo“, Жерар и Клара биле снимени со неговите синови како се забавуваат пред куќата н фудбалерот.
-Тоа е куќата во која Шакира ја гледавме често со Пике, но сега Клара ужива во неа и е среќна со фудбалерот и неговите деца, напиша тој.
Да потсетиме, Пике наводно ја остави колумбиската пејачка за 12 години помладата студентка, по 11 години поминати заедно и две деца. Многумина ја нарекуваат студентката двојничка на Шакира, а нивната афера наводно почнала додека фудбалерот бил официјално „зафатен“.
