Пристигнуваат првите цврсти докази за инфекција со САРС-КоВ-2 од мачка на човек. Откритието се случи во Тајланд во 2021 година, но неодамна беше објавено во списанието Emerging Infectious Diseases. По домашните хрчаци во Хонг Конг и дивите белоопашести елени во Канада, мачките исто така се приклучуваат на листата на зоонотички потенцијал на САРС-КоВ-2.
Инфекцијата со Ковид-19 човек-животно (и обратно) не ги исклучува мачките. Случајот забележан во Тајланд официјално потврдува дека и домашните миленичиња се носители на инфекцијата. Студиите на почетокот на пандемијата веќе открија присуство на патогенот САРС-КоВ-2 кај десетици домашни мачки. Тајландскиот случај е првиот доказ за феноменот и внесува некои суштински размислувања за сценаријата на иднината.
Приказната за мачката од Тајланд
Ковид-позитивните татко и син беа префрлени од Бангкок заедно со домашната мачка во јуни 2021 година во одделот за изолација во Универзитетската болница Принцот од Сонгкла во Хат Јаи. Приближно 900-километарското патување со брза помош траело 20 часа. По пристигнувањето во објектот, нивната домашна мачка исто така била подложена на брис и била позитивна на вирусот. За време на прегледот, околу 10 минути, мачката киваше пред ветеринарот (млада 32-годишна жена), која носеше маска и ракавици, но немаше заштита за очи, и со оа била изложена на инфекцијата.
Што се случило?
Три дена подоцна, ветеринарката развила треска, настинка и кашлица. Тестот последователно ја потврдил нејзината позитивност на Ковид и геномската анализа покажала дека таа била заразена со истата варијанта на мачката и нејзините сопственици.
Вирусните геномски секвенци беа идентични и различни од делта варијантата што тогаш циркулираше во земјата: „Неодамна спроведена студија во САД на популација на кучиња и мачки“ – вели Андреа Косариза, редовен професор по имунологија и општа патологија во Модена – „покажува дека околу 40-60% од испитуваните животни (иако во релативно мал број) имаат антитела против САРС-КоВ-2, така што 1 од 2 бил во близок контакт со вирусот“.
Што да се прави?
Иако сучајот покажа дека мачките можат да ја пренесат инфекцијата на луѓето, инциденцата на овој феномен за среќа е мала. Животните сè уште не играат значајна улога во ширењето на вирусот. Периодот на инкубација и трајноста на патогенот во организмот на домашните мачки не надминува 8 дена.
За да се спречи преносот на САРС-КоВ-2 од луѓе на мачки, сепак е важно позитивните субјекти да се воздржат од физички контакт со животното и сите сожители, а лекарите да се заштитат себеси. „Ова не смее да поттикнува напуштање на животното“ – нагласува Косариза– „напротив, мора да не натера да посветиме повеќе внимание на благосостојбата и грижата за нашите животни“.
Обратна зооноза: и ние можеме да заразиме мачки
Не само што животните можат да ни пренесат болести, туку и ние можеме да им ги пренесеме ним. Овој феномен, наречен обратна зооноза или прелевање, се случува почесто отколку што можеме да замислиме.
Во 1988 година планинските горили беа погодени од човековата епидемија на сипаници, неколку години подоцна многу од нив заболија од бронхопневмонија.
Сепак, притисокот што го вршат микроорганизмите врз животните е многу различен од дејството врз луѓето и тоа ги одредува различните ефекти на патогените врз имунолошкиот систем: Општо земено, оној на животните, кои природно живеат во помалку санирани средини, произведува интерферон тип 1 и подобро ги штити од вирусни инфекции, вклучително и „Ковид“.
