Луна Ѓогани ужива во хармоничен брак со Марко Миљковиќ, со кој има две ќерки – Миа и Лана. Тие важат за еден од најстабилните парови на регионалната јавна сцена. Сепак, Луна неодамна се осврна на темата за неверството и јасно истакна дека тоа е нешто што никогаш не би можела да го прости.
„Не би простила неверство. Сега кажувам ‘не’, но никогаш не знаеш што може да се случи во животот. Сум слушнала од искусни жени кои долго се во брак дека можеби се помириле со некои работи, но во овој момент, на моите 30 години, замислата дека мојот сопруг би спиел со друга жена и би се вратил кај мене, ми е незамислива. Не знам дали некогаш би можела да му верувам и да продолжам да живеам со тоа. Не сакам да судам никого, секој има свои причини“, вели таа и додава:
„Зарем не е подобро да живееме во здрава и нормална семејна средина, отколку да премолчуваме и да толерираме нешто само за да останеме во брак, а да не сме среќни? Во такви ситуации најмногу страдаат децата. Јас не сум тој тип. Ако не можам да поминам преку нешто и да бидам среќна во односот, нема да барам причина да останам во него.“
На прашањето како гледа на односот меѓу својата мајка Анбела Атијас и сопругот Марко Миљковиќ, Луна одговара:
„Сè е во ред, сè е онака како што треба да биде во едно семејство и се надевам дека така ќе остане секогаш.“
Луна додава дека откако стана мајка, многу повеќе ги разбира постапките на своите родители:
„Секогаш можеме повеќе да ги разбереме родителите кога стануваме родители. Откако ги добив моите деца, апсолутно ја разбирам секоја нејзина реакција. Таа и денес се грижи за мене – ако не се јавам на телефон повеќе од еден час, веќе мисли дека нешто не е во ред. Тоа е еден инстинкт што не можеш да го контролираш. Јас постојано живеам со страв, живееме во свет каде никогаш не знаеш што може да се случи. Само да ги чува Бог.“
