Луна Ѓогани отворено признава дека редовно посетува козметички салони и посветува големо внимание на својот изглед. Овој пат со своите следбеници сподели детали од еден естетски третман што неодамна го направила.
Имено, Луна покажа дека се подложила на мезотерапија со цел да ја освежи и затегне кожата на лицето, а целиот процес го сними и го објави на социјалните мрежи.
Понеделникот го искористила за разубавување, па на Инстаграм сподели видео од една клиника. На снимката се гледа како козметичарите најпрво темелно ѝ го чистат лицето со хидратантна маска, по што рачно ги отстрануваат митисерите и ситните мозолчиња.
Откако лицето било целосно исчистено, следувал третманот со мезотерапија – постапка при која со микроигли во кожата се внесуваат витамини, минерали и хијалуронска киселина, со цел кожата да биде поцврста, похидрирана и со посвеж изглед, без видливи брчки.
Луна, која нема проблем да се појави во природно издание, ги документираше сите чекори и истакна дека третманот воопшто не е болен, како и дека резултатите се забележливи веднаш по завршувањето. Особено внимание ѝ посветила на пределот на челото, нагласувајќи дека токму таму има најмногу неправилности.
