Принцот Мирко од Бугарија му е внук на царот Симеон II, последниот бугарски монарх и поранешен премиер на Бугарија. 31-годишниот принц објави дека се свршил со својата долгогодишна партнерка, д-р Марта Ембид.
Веста за свршувачката ја потврди за магазинот „Хелоу!“.
Мирко и Марта се запознале во 2023 година додека таа специјализирала медицина во Мадрид. Денес, Мирко работи како дигестивен хирург во болницата „Витас Артуро Сорија“, додека неговата избраничка е специјализант по анестезиологија и реаниматологија.
View this post on Instagram
Освен што ја делат љубовта кон медицината, Мирко и Марта се и големи љубители на патувањата. На неговите профили на социјалните мрежи можат да се видат фотографии од Панама, Канарските Острови, Андора и други дестинации.
Свадбата е планирана за следното лето во Мадрид – градот каде што започнала нивната љубовна приказна.
Во семејството на Мирко медицината е семејна традиција. Неговиот татко, принцот Кубрат, кој е трет син на царот Симеон II, исто така е хирург, специјализиран за колоректална хирургија, а со години работел во Мадрид.
Бугарското кралско семејство има силни врски со Шпанија. Сите пет деца на царот Симеон II склучиле брак со Шпанци, а голем дел од семејството живее и работи токму таму.
Иако Бугарија повеќе нема монархија, потомците на царот Симеон II остануваат активни во европските кралски кругови, особено во Шпанија.
View this post on Instagram
