Соработката на Лепа Брена и Даниел Поповиќ не помина најдобро
Пејачот Даниел Поповиќ во 1983 година го отпеа безвременскиот хит „Јули“, а денес вели дека оваа песна отсекогаш била поголем хит од „Југословенка“ што ја снимил со Лепа Брена, Ален Исламовиќ и Владо Калембер.
Таа година Даниел Поповиќ, кој беше потполно анонимен пејач од Црна Гора, ја претставуваше Југославија на Евровизија во Минхен со песната „Џули“ и го освои четвртото место, а поради него на Евровизија не отидоа главните фаворити на тогашна Југославија, Мишо Коваќ и Брена со песната „Ситније, Циле ситније“.
Даниел Поповиќ тврди дека Брена му „сервирала одмазда“ за песната што го однесе на Евровизија во далечната 1983 година.
Имено, Лепа Брена го поканила Даниел Поповиќ да биде во спотот на нејзиниот хит „Југословенка“, а пејачот детално раскажа што точно се случило тогаш.
„Тоа никогаш нема да го заборавам, снимањето на спотот за песната „Југославенка“. Тоа беше „одмаздата на малиот Кинез“, ме однесоа на Дурмитор со мал хеликоптер и ме оставија таму, ми рекоа – само прелетуваме, а ти мавташ и толку. Како и да е, ги немаше три часа, а јас сум тука, во дивина, има волци и мечки, се стуткав под некоја карпа чекајќи да видам дали воопшто ќе се појават, дали ќе се вратат“, ја започнал својата приказна Даниел.
„После три часа, секако почнав да мавтам од среќа кога го видов хеликоптерот, ми рекоа дека навистина добро сум одглумил… За одмаздата да биде уште поголема, ме спуштија по карпи, по падините на Црна Гора… Тогаш бев облиен со страв… Никогаш повеќе никој не ме убедат да влезам во хеликоптер… Таа подоцна во една емисија призна дека тоа било одмазда… Брено, не отиде, извини, бев подобро“, се присети пејачот и откри дека никогаш повеќе нема да соработува со Брена.
