Режисерот Квентин Тарантино и неговата сопруга Даниела Пик го добија своето второ дете.
Тарантино и неговата 20 години помлада сопруга, по синот Лео кој се роди во февруари 2020 година, сега добија ќеркичка.
– Даниела и Квентин се среќни што мпжат да објават дека Даниела на 2 јули 2022 година го роди нивното девојче, помлада сестра на нивното прво дете Лео – пишува во заедничката изјава на парот, пренесува People.
Тарантино и Даниела, која е ќерка на израелската кантавторка Цвика Пик, се запознале во 2009 година додека режисерот бил во Израел каде што го промовирал својот филм „Неславни копилиња“. Се верија во јуни 2017 година, а се венчаа во ноември 2018 година во Лос Анџелес.
Минатата година, во интервју со Џими Кимел, Тарантино објасни зошто на својот син му го дал името Лео. Многумина мислеа дека го добил името по Леонардо Дикаприо, со кого режисерот соработуваше на филмовите Django Unchained и Once Upon a Time in Hollywood.
– За малку немаше да му го дадеме тоа име бидејќи луѓето би претпоставувале дека сум го избрал по Леонардо Дикаприо. Нема ништо лошо во тоа, но тој го доби името по дедото на мојата сопруга, но и затоа што беше нашиот мал лав во нашите срца. Значи тој е лав. Така размислувавме за него – изјави тогаш оскаровецот. Тарантино и неговото семејство моментално живеат во Тел Авив, Израел, а Лео го учат да зборува и англиски и хебрејски.
