Филмот „Опенхајмер“ освои седум Оскари – меѓу нив оние за најдобар филм, режија, главна и споредна машка улога, а потоа следеше филмот на Јоргос Лантимос „Сиромашни суштества“ со четири златни статуетки.
Денеска, секој што барем малку ја познава кинематографијата го знае името Килијан Марфи, кој доби Оскар за главна улога, а интересно е што на самиот почеток на кариерата соработувал со српскиот голем режисер и сценарист.
View this post on Instagram
Килијан Марфи всушност како глумец е откриен од познатиот српски режисер Горан Паскаљевиќ, кој всушност е негов филмски „татко“.
Познатиот филмски режисер и сценарист Горан Паскаљевиќ е заслужен за успешната кариера на актерот Килијан Марфи,кој во светската кинематографија се прослави со одлични улоги, од кои последната беше во блокбастерот „Опенхајмер“ на режисерот Кристофер Нолан, а кој освои убедлива победа на годинешните Оскари со дури 7 Оскари, пишуваат српските медиуми.
Имено, денес Марфи зад себе има успешна кариера, а малкумина знаат дека неговиот талент всушност меѓу првите го забележал познатиот српски филмски режисер и сценарист Горан Паскаљевиќ.
Српките медиуми потсетуваат дека денес славниот актер уште во 2001 година глумел во филмот „Како Хари стана дрво“, наградувано филмско дело на Паскаљевиќ.
