Синот на легендарниот пејач Халид Бешлиќ, Дино Бешлиќ, објави емотивна порака на социјалните мрежи која трогна многумина.
По повод својот роденден, Дино сподели заедничка фотографија од своите родители и откри колку му недостигаат по нивната смрт.
„Мамо и тато, денес е мој многу тажен ден, а треба да биде најсреќен. Денес е мојот роденден и прв на кој вас двајца ве нема за да ми се јавите и да ми кажете: ‘Сине, среќен роденден, што да ти купиме’, иако одамна сум стар мрчатор. Многу ми недостигате и ништо повеќе нема да биде исто без вас. Го молам драгиот Алах да ви подари убав џенет. Вашиот син Дино“, напиша тој.
Објавата предизвика бројни реакции, а пријатели, роднини и следбеници му испратија честитки за роденденот, но и зборови на утеха за големата загуба што ја доживува.
Да потсетиме, семејството Бешлиќ минува низ тежок период по смртта на Халид и неговата сопруга Сејда Бешлиќ. Тие повеќе од четири децении беа во брак и важeа за еден од најскладните и најстабилни парови на јавната сцена во регионот.
Нивната љубовна приказна често беше посочувана како пример за посветеност и заемна поддршка, па веста за нивното заминување длабоко ги потресе семејството, пријателите и бројните обожаватели на познатиот пејач.
