Деветкратната добитничка на „Греми“ Ријана се враќа со долгоочекуваниот настап во живо на „Супербоул 57“ в недела на 12 февруари.
Ријана изјави дека е инспирирана да го прифати предизвикот откако го роди своето прво дете во мај.
„Кога ќе станете мајка, нешто едноставно се случува и чувствувате дека можете да го преземете светот, можете да направите сè,“ им рече таа на новинарите во Феникс во четвртокот.
Пејачката родена во Барбадос нема издадено соло албум од јануари 2016 година, а фановите едвај ќе дочекаат да ја видат 34-годишната суперѕвезда кога ќе излезе на сцената пред милионската публика на стадионот „Стејтфарм’, каде „Филаделфија иглс“ ќе ги одмери силите со „Канзас Сити шефс“.
