Со зборови што топлат душа, Калиопи ѝ честиташе роденден и пензија на својата сестра Корнелија Буклеска, дологoдишна уредничка на Редакцијата за култура и уметност во МРА – Радио Скопје.
Пејачката објави фотографија од сестра ѝ и сподели дека уште како девојче ја гледала како свој пример и инспирација.
„Мојата преубава сестра, мојата гордост, вчера на 18.11.2025, го прослави својот роденден и заминувањето во пензија. Овој глас нè милуваше и оплеменуваше на брановите на Македонското Радио. Кога бев мала, сакав да бидам како тебе. Ти честитам мила моја! Сега е време за твојата друга љубов – пишувањето. Те сакам Нели моја. Твоја Опи“, напиша Калиопи.
View this post on Instagram
Корнелија, која три и пол децении беше еден од најпрепознатливите гласови и уреднички потписи на јавниот сервис, беше испратена во заслужена пензија со мала прослава и подароци од своите колеги.
Тие на социјалните мрежи споделија фотографии од прошталниот момент и ѝ порачаа дека 37 години храбро ја градела својата професионална приказна.
„Во животот се добива само тоа што ќе се побара со храброст. Без храброст нема приказна, а Корнелија Буклеска, уредничката на Редакцијата за култура и уметност во МРА-Радио Скопје има своја приказна по 37 години поминати во радиото. Taa e и останува храбра жена и понатаму. Денеска слави 64. роденден и заминува во заслужена пензија. Среќно и нека се множат годините, наша Корнелија! Од срце, МРА“, стои во објавата на радиото, каде беа објавени повеќе фотографии од испраќањето и заедничката прослава.
