Јавната расправија меѓу пејачките Катарина Живковиќ и Кристина Кија Коцкар продолжува да ја интригира јавноста, откако двете страни во последните денови преку социјалните мрежи разменуваат остри пораки и меѓусебни обвинувања.
Живковиќ се огласи со две нови објави на Инстаграм, кои многумина ги протолкуваа како реакција на актуелните случувања и изјавите на нејзината поранешна блиска пријателка.
Во првата објава пејачката цитира духовен текст: „Една од моите чести дови е: Господару, на оној што ме сака, дарувај му ги истите благодати што и мене ми ги даде… А на оној што не ме сака од завист, дај му дупло повеќе, да ме остави да дишам во мир. Амин“.
Во втората порака, Живковиќ недвосмислено стави до знаење дека во моментот е фокусирана само на семејството и личната стабилност: „Во своја фаза сум ‘не марим’. Тука сум да го одгледувам моето дете и да го чувам мојот мир како да ми е работа со полно работно време“.
Кија и Каќа до неодамна беа блиски пријателки – заедно славеа родендени, патуваа и се доверуваа една на друга.
Промената настапи непосредно пред промоцијата на новиот албум на Живковиќ, на кој Кија не се појави, иако нејзиното присуство се очекуваше.
Во една неодамнешна телевизиска емисија, на прашањето зошто не дошла нејзината пријателка, Живковиќ одговори дека „таму биле оние што требало да бидат“. Оваа изјава ја поттикна Коцкар јавно да проговори за нивниот раздор.
Во своите објави, Кија го откри идентитетот на мажот на Живковиќ – Небојша Стојковиќ – Стојке, кој претходно пејачката го држеше подалеку од јавноста.
Потсетувањата и наводите не застанаа тука. Коцкар тврдеше дека Живковиќ наводно го дели приватниот снимак на новинарот и водител Милан Милошевиќ, алудирајќи на нарушени односи и меѓусебни измами во приватниот круг на пријателства.
Живковиќ остро ги демантираше овие тврдења и истакна дека имала директен разговор со Милошевиќ: „Таа снимка не постои. И со Милан се насмеавме на целата приказна. Тоа е лага“, изјави таа, нарекувајќи ја Кија „полупано блебетало“.
Социјалните мрежи се преплавени со коментари и реакции, а јавниот интерес не стивнува. Иако некогаш блиски, денес е извесно дека пријателството меѓу Кија и Каќа е сериозно нарушено.
Останува да се види дали двете ќе го смират тонот или конфликтот ќе продолжи да се продлабочува.
